Baxin, peshman olmazsiz

Salam Aleykum, Imkan varsa bura eshitdiyiniz, oxudugunuz, yadinizda qalan-bir sozle bildiyiniz gozel, menali sozler yazin(Copy-paste: ).Sheir de olar(Imkan olsa sheirleri sonuna qeder yazin). Evvelceden teshekkurler. Diqqete gore sag olun.
Ozum bashlayiram:

Bu əcəldir, susginən!

Bir xəta söz bir fəlakətçün təməldir susginən,
Hər fəlakət çox həlakətçün əməldir susginən.

Öylə yer var kim, dinərsən sözlərin nöqsan çıxar,
Böylə yerdə bir baxış sözdən gözəldir susginən.

Hər şeyin ən ibtidası həm təmiz, həm doğrudur,
Yəni ki, susmaq danışmaqdan əzəldir susginən.

Mən ürək oynatdım at yox, şer meydanında bil,
Aləmə səs salma ki, təbim əfəldir susginən.

Özgədən məna götürmək xislətimdə yox mənim,
Söz ümumi, leyk hər mənam özəldir susginən.

Sözlərin ömrün qışın yaz eyləyirsə yaz yarat,
Yox əgər görsən ki, solmuş bir xəzəldir susginən.

Sən məni susdurmağa qadir deyilsən, ey gəda,
Çünki bir şahəm tacım Allahdan əldir susginən.

Bir qonaq var hər yerə pünhan gələr, aşkar gedər,
Gəlsə, Pünhan, salma hay küy, bu əcəldir susginən!

16 may, 2001

Mən nə dedim ki?!

Yoxdan gələni var elədim, mən nə dedim ki?!
Haqq əhlin ümüdvar elədim, mən nə dedim ki?!

Məzlumlara qan udduran alçaqları bir-bir,
Söz udmağa vadar elədim, mən nə dedim ki?!

Xofdan əyilib bütpərəs olmuşlar önündə,
Qansız bütü inkar elədim, mən nə dedim ki?!

Allahı unutmuşlara xatırladan oldum,
Qafilləri hüşyar elədim, mən nə dedim ki?!

Tərk eylədi şeytan bu könül mülkünü getdi,
Haqqımla yerin dar elədim, mən nə dedim ki?!

Can verdi Xuda, amma ki, eşq istədi məndən,
Yoxdur deməyə ar elədim, mən nə dedim ki?!

Gördüm ki, pul üstündə bu dünyanı tuturlar,
Dünyanı xəbərdar elədim, mən nə dedim ki?!

Haqqın özün axtardım onun qəbrini tapdım,
Amma sözün aşkar elədim, mən nə dedim ki?!

Pünhan, mən əməl dəftərini şerə çevirdim,
Yəni onu təkrar elədim, mən nə dedim ki?!

2 avqust, 2002

Bir parça torpaq qalmadı

Barmağın hər yanə qoydu əldə barmaq qalmadı,
Qarmağın hər yanə atdı bircə qarmaq qalmadı.

Cırmağıynan, əl atıb haqqın üzün cırmaqladı,
Dırnağıynan təxti tutdu, sındı dırnaq qalmadı.

Kim ki, zənn etdi yaratmış guya alçaq dağları,
Tanrı yeksan eylədi yernən, bir alçaq qalmadı.

Öylə ki, İblis ayağı dəydi Badu Kubəmə,
Əsdi rüzgar, soldu bağlar, kolda yarpaq qalmadı.

Haqq asıldı, haqq tutuldu, haqq çəkildi çarmıxa,
Bir özündən başqa heç kəs haqqa ortaq qalmadı.

Özlərin çılpaq edənlər haqqa don geydirdilər,
Çılpaq həqdən don geyənlər leyk çılpaq qalmadı.

Zalım oğlu pul alıb, ol qədr torpaq satdı ki,
Heç özün basdırmağa bir parça torpaq qalmadı.

Həzrət Abbasın əlindən düşdüyü bayrağını,
Kubədə qaldırdı Pünhan yerdə bayraq qalmadı.

21 aprel, 2002

Bişərəfindən aman oy!

Bu Vətən torpağının bir tərəfindən aman oy!
Bu yazıq millətimin bitərəfindən aman oy!

İblisin cəhrəsi hər rəngdə kələflər əyirir,
Qarabağçün əyirən sərkələfindən aman oy!

Vətənin qızlarını səhnədə hərraca qoyan,
Vətən oğlanlarının bişərəfindən aman oy!

Bakını zəbt eləmək idisə məqsəd, əcaba,
Xalqımın bir belə bica tələfindən aman oy!

Analar modabaz isə, atalar rüşvətxor,
Bu biyabırçı davamın xələfindən aman oy!

Pünhanın yumşaq üzündən xata gəlməz adama,
Amma ünvanladığı söz hədəfindən aman oy!

7 iyul, 2002

Qarabağ getsə əgər

Məni udsun qara torpağ, Qarabağ getsə əgər,
Yoxdur haqqım mən olum sağ, Qarabağ getsə əgər.

Nə qədər qız-gəlinim düşdü əsir göz görəsi,
Yaz mənim qəbrimə alçaq, Qarabağ getsə əgər.

Dərd vətən dərdidi, bağ dərdi çəkənlər alacaq,
Özgə bir yerdə gözəl bağ, Qarabağ getsə əgər.

Qorxudar bir gecə vallah səni xalqın qəzəbi,(Qorxudar bir gece vallahi Shehid ruhu seni-ozu bele demishdi)
Yetməz imdadına çildağ, Qarabağ getsə əgər.

Oxuyub tarixi bir gün nəvələrmiz deyəcək,
Bizə min tən ilə qorxaq, Qarabağ getsə əgər.

Oynasaq erməninin işvə-nazıynan yenə biz,
Qoyacaq çox yerə barmaq, Qarabağ getsə əgər.

Girəcək tayqulağın qəbrinə tuş çaldıracaq,
Deyəcək bizdədi Arsağ, Qarabağ getsə əgər.

Qatılır gah vəhabiylə xristian bu işə,
Atmaq üçün təzə qarmaq, Qarabağ getsə əgər.

Belə sirli və müəmmalı gedişnən, Pünhan,
Ümid Allahadır ancaq, Qarabağ getsə əgər.

Başda ayaq gəzdiririk

Neçə ildir sinədə Şişəli dağ gəzdiririk,
Dağıdır Şişə bizi gözdə bulaq gəzdiririk.

"Çırağ"ı özgəyə satdıq yatağıynan qarışıq,
Yatağı tapmağa əmma ki, çıraq gəzdiririk.

Yerdə yer azdı deyib, qoydu ayaq başımıza,
Yerə girsək də dözüb başda ayaq gəzdiririk.

Alimik, cahil üçün ot biçirik, bağ salırıq,
Qələmi tullamışıq, indi oraq gəzdiririk.

Atamız ağ, anamız ağ, üzümüz isə qara,
Çün Dubaydan sora gizlində uşaq gəzdiririk.

Qarabağdan bu qədər faydalanan varsa əgər,
Qarabağ dərdin ürəklərdə nahaq gəzdiririk.

Kimi lazım bilirik burda müxalif qoyuruq,
Kimi ki, bilməyirik, gözdən uzaq gəzdiririk.

Biz Qazan xan deyilik, biz içi boş bir qazanıq,
O səbəbdən də papaq yerinə qapaq gəzdiririk.

Desələr ki, necə Pünhandı, bu, aşkardı tamam,
Söyləyin aşkarı pünhanla calaq gəzdiririk.

20 aprel, 2001

Tərpəndi, ya tərpənmədi?

Titrəyib yer tərpənəndə bilmirəm insanların,
Şübhəli iymanları tərpəndi, ya tərpənmədi?

Hündür eyvandan baxıb dövran mənimdir söyləyən,
Məmurun eyvanları tərpəndi, ya tərpənmədi?

Allahın torpaqların ac kəndliyə pulnan satan,
Quldarın ormanları tərpəndi, ya tərpənmədi?

Həm evi, həm qəlbi sınmış binəvalarçün görən,
Dövlətin imkanları tərpəndi, ya tərpənmədi?

Şah Hüseyn ilə Yəzidi bir tutan cahillərin,
Şah damarda qanları tərpəndi, ya tərpənmədi?

Özgənin ünvanına öz nəslini yerləşdirən,
Acgözün ünvanları tərpəndi, ya tərpənmədi?

Dövri-Sabirdən bu yanə bir əsr yatmışların,
Lərzədən yorğanları tərpəndi, ya tərpənmədi?

Can güdən oğlanların dəhşətdə ikən özləri,
Özgələrçün canları tərpəndi, ya tərpənmədi?

Pünhanın söznən vurub tərpətdiyi insanların,
Sizbilən, vicdanları tərpəndi, ya tərpənmədi?

20 dekabr, 2000

Ağlamağım var, gözəlim

Nə işim var, na evim var, nə bağım var gözəlim,
Nə pulum var, nə ətim var, nə yağım var gözəlim,

Demə ki, yoxdu bağım mən tərəvəzdən kasıbam,
Kabinetlərdə kudum, balqabağım var gözəlim.

Neynirəm mən maşını gərçi məni dərd aparır,
Əlli dörd at gücünə tən ayağım var gözəlim.

Mənə tən eyləmə ki, evdə çırağım yoxdur,
Vacib oldur ki, dənizdə "Çırağ"ım var gözəlim.

Nə olar ki, Bakıya erməni təşrif buyurub,
Erməniynən axı burda calağım var gözəlim.

Məni toy məclisinə bir hacı dəvət elədi,
Dedi "şollar" şüşəsində arağım var gözəlim.

Bədgüman olma ki, dəryaya gedərsəm quruyar,
Çünki dərya qədəri ağlamağım var gözəlim.

Yedilər, qoymadılar ortada bir şey qalsın,
İncimə söyləsəm ancaq qırağım var gözəlim.

Saçım ağ, saqqalım ağ, neynirəm ölsəm kəfəni,
Bəxti-Pünhanə sevin, pulsuz ağım var gözəlim.

28 aprel, 2002

İçrə

Hər kim mənə tən eyləsə meyxanələr içrə,
Qan olsun onun badəsi peymanələr içrə.

Öz xəlqinə hər kim mey içib versə əziyyət,
Olsun yeri bayquş kimi viranələr içrə.

Mümkünsə fəsad əhli ilə həmqədəh olma,
Nöqsan yetirər şəninə biganələr içrə.

Cəhd eylə o kəslərlə çalış, badəni qaldır
İnsan kimi zövq artıra məstanələr içrə.

Pərvanə əgər şəmə yanır atəşi qəmlə
Mən də yanıram hər gecə pərvanələr içrə.

Bir zülfü siyah dilbərə çoxdandır əsirəm,
Məhşuram o gündən bəri divanələr içrə.

Vahid biləcək qədrini sərraf əgər olsa,
Saxlar bu gözəl şerini dürdanələr içrə.


Gözəldir

Hər aşiqə öz istədiyi yarı gözəldir,
Hər bülbülə öz sevdiyi gülzarı gözəldir.

İlqarı gözəl olmayanı istəməz aşiq,
Can ver elə cananə ki ilqarı gözəldir.

Mən bir uca boylu gözəlin zülfünə bəndəm
Rüxsarı gözəl, şivəsi, rəftarı gözəldir.

Yüzlərlə gözəl başqa vilayətdə də çoxdur,
Amma bizim ölkə bütün - elcari gözəldir.

Yar olsa mənimlə mənə biganə nə eylər?
Uçmaz elə bir xanə ki memarı gözəldir.

Mən istədiyimçün o gülü qeyri də sevdi
Qiymətli o şeydir ki xiridarı gözəldir.

Vahid, mənə insaf elə, sima ilə baxma,
Əhsən elə bir şairə əşarı gözəldir.

Tələsmə

Səbr eylə könül, möhnəti hicranə tələsmə,
Dərd əhli yetər səbrlə dərmanə, tələsmə.

Kam almayacaq ayrılığa bais olanlar,
Aşiq yetəcək sevgili cananə tələsmə.

Pərvanə əgər yansa da şəmin sitəmindən,
Şəmin də yaxar ömrünü pərvanə tələsmə.

Zahid çalışır yıxmağa meyxanə binasın,
Məscid qalacaq, əksinə, viranə, tələsmə .

Gül zövqünü çəkmək əbədi xarə də qalmaz,
Bülbül gələr əlbətdə gülüstanə tələsmə.

Gündən-günə artır bu gözəl huriliqalar
Dünya dönəcək cənnəti rizvanə tələsmə.

Vahid içəcəksən demə ki tövbələr olsun,
Cəlb eyləyər axır səni meyxanə tələsmə.

Bəs nə deyim?

Mən o şuxə güli-rəna deməyim, bəs nə deyim?
Aşiqə bülbülü-şeyda deməyim, bəs nə deyim?

Min gözəl görsə gözüm, bir kərə doymaz könlüm,
Bu kiçik qətrəyə dərya deməyim, bəs nə deyim?

Mən əgər eşqidə Məcnun deyiləm bəs nəçiyəm?
Sevdiyim dilbərə Leyla deməyim, bəs nə deyim?

Çırpınır quş kimi hər zülfünü gördükcə könül,
Mən bu divanəyə rüsva deməyim, bəs nə deyim?

Gözlərin həsrətini çəkməyən aşiq yoxdur,
Sənə mən afəti-dünya deməyim, bəs nə deyim?

Bu şirinlik, bu lətafət ki, sənin var gözəlim!
Sənə güldən də mən əla deməyim, bəs nə deyim?

Eşqidən bir bu qədər söyləmək olmaz Vahid,
Mən bu məcnunluğa sevda deməyim, bəs nə deyim?
Eliaga Vahid

Gulichka wrote:eee... mende Ə oxunmur!! esebleshirem!!

"Opera" ile gir.

Dustaqlara qaldı

Həsrət dolu gözlər dikilib dağlara qaldı,
Yüksəkləri verdik ümüd alçaqlara qaldı.

Torpaqlarımız getdiyi gündən əlimizdən,
Əllər uzanıb şorməzə torpaqlara qaldı.

Allah deyən oldu, deyilənlər boşa çıxdı,
Yersiz hədə qorxu quru barmaqlara qaldı.

Xofdan elə güldü, elə bil mayda gül açdı,
Vacib işimiz maygülü yaltaqlara qaldı.

Şənlikdə bir alçağı şişirdib dağa qoydu,
Mənlik ayaq altındakı tapdaqlara qaldı.

Əyri bel ilə əkdiyi də çıxdı əyilmiş,
Yəni ki, bu xislət gələcək çağlara qaldı.

Göy partladı yer çatladı nankorlar əlindən,
Uçdu haram evlər daşı çatdaqlara qaldı.

Bayram günü bayraqdara dəydikcə təpiklər,
Bayraq kimi yüksəlmək o bayraqdara qaldı.

Dövlət, onun uğrundakı yaltaqlara, Pünhan,
Zillət vətən uğrundakı dustaqlara qaldı.

4 aprel, 2001

Hambal dəbdədir

İndi bu millətdə qeyri-adi bir hal dəbdədir,
Qarəbağ çıxdıqca yaddan xoş bir əhval dəbdədir.

Təhsil almaq olsa da vacib bu azad ölkədə,
Pullu işdə işləməkçün amma ki, kal dəbdədir.

Şipşirin torpaqları əğyarə verdikdən sora,
Şorməzə torpaqları sürətlə işğal dəbdədir.

Get-gedə əxlaqı kökdən korlanan bir millətə,
Dal günün göstərmək üçün pırtdamış dal dəbdədir.

Çox TV-də şərhlərçün yerli icmal dibdədir,
Az TV-də mədhlərçün yersiz icmal dəbdədir.

Milli Məclisdən giley etmək dilərsən -etməgil,
Çünki bir batman qərarın xeyri misqal dəbdədir.

Biz kasıblarçün Dubaydan vaxtı ötmüş köhnə mal,
Leyk ərəb şeyxiyçün on beş yaşlı "xammal" dəbdədir.

Vaxt var idi qalmaqal salmaq dəb idi ölkədə,
Çox şükürlər olsun indi qalma yox, qal dəbdədir.

Bir əsr bundan qabaq Nobellərə hambal idik,
İndi də Nobellərə yurdumda hambal dəbdədir.

Qorxuram ki, Pünhanın bir gün dilin dibdən kəsib,
Car çəkərlər xəlqə ki, haqq şairi lal dəbdədir.

19 iyul, 2001

Sənk yu

Sənk yu, yevropian ünvanımızçün sənk yu,
Bay ze taym tas yevro qanımızçün, sənk yu.

"Dobrı" şalbandan sürüşdük düşdük "avro"-şalbana,
Çiynimizdən düşməyən şalbanımızçün sənk yu.

Mən bilirdim ki, səninkiynən bizimki tutmayır,
Sən tutuzdurdun dili-viranımızçün sənk yu.

Şərqimizdə qərbimizdir, qəbrimizdə şərqimiz,
Şərqi derkən burcudan oğlanımızçün sənk yu.

Can fəda etdik Vətənçün, bilmədik bir gün Vətən,
Ləğv edər hər bir güzəşti canımızçün sənk yu.

Həm ayağmız yüngül, həm də çox "sürüşkənmiş" bizim,
Bakü, İstanbul, Dubay imkanımızçün sənk yu,

Qapları Avropaya açdıq, fəqət meydana yox,
Bir muzeytək qorunan meydanımızçün sənk yu.

Doq dey of Nardaran ənd popleyşen Baku,
Yəni ki, döndərdiyin dövranımızçün sənk yu.

Xəlqə göstərmək üçün qeyrətmizin miqdarını,
Lüttərə meydan açan ekranımızçün sənk yu,

Ey Conum, gəl biz sənə hər sübh qud moninq deyək,
Sən bizə zəbt etdiyin şirvanımızçün sənk yu.

No it iz not eşqi-Məcnun, lonq liv Emmanuel,
Eşqi beynəlxalq olan dastanımızçün sənk yu.

Qulp olanda qulp qoyur, qulp olmayanda mız qoyur,
Hər şeyə bir mız qoyan Pünhani-mızçün sənk yu.

25 iyun, 2002

Bu vəhabi lənətulla

İmama* qoyub qadağa, bu vəhabi lənətulla,
Vahaba gedir sadağa, bu vəhabi lənətulla.

O zamanlar ingilisdən, ərəbə qonaq gələndə,
Özünü satıb qonağa, bu vəhabi lənətulla.

Bu nahaq cahanda İblis, hələlik şah olduğuyçün,
Bəşəri salıb marağa, bu vəhabi lənətulla.

Neçə hüccətin məzarın, dağıdıb-söküb Bəqidə,
Polisi düzüb qabağa, bu vəhabi lənətulla.

Əli Kəbədə doğulmuş, odu ki, təvaf edəndə,
Dodağın sıxar dodağa, bu vəhabi lənətulla.

Nə bilir nədir imamlıq, nə bilir nədir seyidlik,
Nə bilir nədir Ətağa, bu vəhabi lənətulla.

Bakıya gəlib ki, bir gün, "Vahab"ı oturda təxtə,
Bizi tullaya qırağa, bu vəhabi lənətulla.

Kralın sərəncamıyla, dolaşıb şəhərdə qoymur,
Satıla Nəhcül-Bəlağə, bu vəhabi lənətulla.

Gələr öylə bir zaman ki, kəsilər dili kökündən,
İmamı qoyanda lağa, bu vəhabi lənətulla.

Zamanın gəlir İmamı, İmamın çatıb məqamı,
Başını çəkir çomağa, bu vəhabi lənətulla.

Açılanda sirri-Quran, ucalanda ərşə Pünhan,
Büzüşüb dönər yumağa, bu vəhabi lənətulla.

3 may, 2001

Filansız bilinir

Dəyişib dövr nə arvad, nə də ki, qız bilinir,
Necə Avropa girib şüura amansız bilinir.

Sizə şalvar yaraşırsa, bizə şalvar yapışır,
Odu ki, bizdə tumannıyla, tumansız bilinir.

Bir müqəddəs gəlişin çoxları hiss etmədədir,
Nə iman sahibi çünki, nə imansız bilinir.

Ulu Xankənd ilə Başkənd ABŞ-ın kəndləridir.
Yəni Buşkənddi hər iksi, bu yalansız bilinir.

Gövdəsindən görünür ki, kökü yandan su içir,
Kölgəsində oturanlar isə, yansız bilinir.

Bizə bir toy tutulub ki, səsi axırda çıxar,
Çalanı köhnə çalandır bu çalansız bilinir.

Gedib Avropada əxlaqımızı dəfn elədik,
İndi statusumuz şəkkü filansız bilinir.

Çıxginən gəzməyə bir yay günü "Tarqovli"yə sən,
Burda əttövbə müsəlmanla fransız bilinir.

Yığışır hamı bu torpağa qiyamət gününə,
Olacaq sorğu-sual, Pünhan, amansız bilinr.

28 iyul, 2001

Şalvarımız evdə qalıb

Bizi çox dərinə çəkmə, arımız evdə qalıb,
Üzümüz sürtülüb, həm astarımız evdə qalıb.

Bizə tən eyləmə, neyçün belə çılpaq gəzirik,
Evimiz orda qalıb, paltarımız evdə qalıb.

Göbəyi oynadan hər cür havamız var küçədə,
Ürəyi oynadan amma tarımız evdə qalıb.

Necə on "Şirvan"a Məmməd kişi qız versin ərə,
Əriyib "qar qız"ımız qız qarımız evdə qalıb.

Kişiyik, amma ki, şortikdə gəzib fırlanırıq,
Soruşanda deyirik şalvarımız evdə qalıb.

Ən gözəl qızlarımız katibələrmizdi bizim,
Gəzirik katibələrnən yarımız evdə qalıb.

Biri mömin qız idi, o biri isə "mamlı-matan"
Matanı verdik ərə, dindarımız evdə qalıb.

O genəltdikcə yerin, yer bizə darlıq elədi,
Genimiz ermənilərdə, darımız evdə qalıb.

Bizə söz çatdıra bilməzsən, əzizim, bunu bil,
Hələ Pünhandakı söz ambarımız evdə qalıb.

20 mart, 2001



Haqq əhli bilet almadı

Səs düşsə də aləmlərə qandallarımızdan,
Bir kimsə xəbər tutmadı əhvallarımızdan.

Biz ibrəti korrupsionerdən elədik əxz,
Övladlarımızsa teleseryallarımızdan.

İşğalçılara qarşı boş icmalçılıq etdik,
Zinharə gəlib xəlq bu icmallarımızdan.

Bilməm yağı işğalı ilə razıdı, ya yox,
Biz razıyıq əmma ki, öz işğallarımızdan.

Od vurdu bizə tüstüsü çıxdı təpəmizdən,
Basdırdı ki, iz qalmaya tonqallarımızdan.

Atəşkəs olan dövrdə genral oluruqsa,
Bu rəsmdü qorxmaz yağı genrallarımızdan.

Haqqın qatarı gəlmədi, ömrün yolu bitdi,
Haqq əhli bilet almadı vağzallarımızdan.

Allahı əgər qəlbimizə biz şərik etsək,
Pünhan, qovarıq şeytanı iqballarımızdan.

4 aprel, 2002

Gəlsə qiyamət, ay ata

Nə yaman eyləmisən rüşvətə adət, ay ata,
Yıxacaq evmizi bir gün bu cinayət, ay ata.

Sənə mənsəb verilibsə, o deməkdirmi məgər,
Tikəsən nəslinə hər yerdə imarət, ay ata.

Əməlinlə məni rüsvayi-cahan eyləmisən,
Çəkirəm dostlar arasında xəcalət, ay ata.

Sənin ekrandakı yaltaqlığın üzmüş anamı,
Ona rişxənd eləyir külli-cəmaət, ay ata.

Bilirəm, sən də alırsan yığasan verdiyini,
Verməsən ustuluva yoxdu zəmanət ay ata.

Salmısan zindana yüzlərlə günahsızları sən,
Onların qarğışı qoymaz bizi rahət, ay ata.

Gəmiçi öz gəmisində sənə yer verdi fəqət,
Gəmisin istədin ondan bu xəyanət, ay ata.

Hara getsən son ümidün yenə Allah olacaq,
Tövbə qıl, gəl namaza eylə ibadət, ay ata.

Xəlqdən pünhan olan sərvəti qaytar xalqa,
Macalın olmayacaq gəlsə qiyamət, ay ata.

16 sentyabr, 2002



Lütün biridir

Gəlib çıxıb bu şoran torpağa şitin biridir,
Yavaş-yavaş daraşır hər yana bitin biridir.

Vəzifələrdə böyük kütləni idarə edən,
Nə çoxdu kütləsi çox, amma ki kütün biridir.

Yalan deyib yekələn, millətin yeyib kökələn,
Görüb ki, aynada piy bağlamış ətin biridir.

Onu görəndə siçan tək qaçıb girir deşiyə,
Məni görəndə qapır, guya bəd itin biridir.

Hicabı qız-gəlinə ləğv elətdirən kişinin,
Yəqin ki, qız-gəlini şəhridə lütün biridir.

İnanma hiyləsinə rəmm atıb gəzən kosanın,
Həkim babanı edən daş, ifritin biridir.

Hərami tayfasının kökləri üzüldü, Baba,
Biri yıxılsa gedər ardı, ən çətin biridir.

30 iyun, 2002

Eslimi, neslimi taniyiram men,
Qarisiq deyilem ozumden hurkem.
Sen kimsen, sen nesen ozun bilersen,
Men ilk qaynagimdan TURK OGLU TURKEM!!!

İtlär ki, karvanindadir

Härbdän qorxmaz o käs ki, qeyräti qanindadir,
Düşmänindän intiqam almaq onun canindadir.

Gäl gedäk äsgär, vuraq xäncär Yäzidin başina,
Zalimin märddän payi, al qanä qältanindadir.

Äsl qeyrät sahibi rahät yatammaz bir gecä,
Ondan imdad gözläyän qiz ta ki, düşmanindadir.

Härbi xidmätdän nä bilmäk istäsän-mändän soruş,
Varli pul, yoxsul isä can vermäk imkanindadir.

Bir zaman bostan müqävvasin yerindän laxladar,
İllär ilä atdigim daşlar ki, bostanindadir.

Torba tikmäkdän keçiblär, "turba" tikmäk fändinä,
Amma här iksindä mäqsäd Molla yorganindadir.

Binäva xälqin maliynan varlanan karvanbaşin,
Parçalar bir gün quduz itlär ki, karvanindadir.

Bir ovuc insan bazar zänn etdiyindän ölkäni,
Här bazar, var bir yazar ki, qulpun ekranindadir.

Tez çixib getsin o dövran ki, şärikdir İblisä,
Tez gälib çixsin müqäddäs il ki, dövranindadir.

Düz qälämdän äyri çixsa Pünhanin, yaräb, sözü,
Süst olub düşsün yazan ällär ki, ünvanindadir.



Bu millätin qulpu qirig

Xonçalara qoyulmariq,
Yardim olsa sayilmariq,
Öskürsäk dä ayilmariq,
Yorganimiz sirig-sirig,
Bu millätin qulpu qirig.

Häyat qalib yoldaş gedib,
Qeyrät olub nimdaş gedib,
Alt üst düşüb, üst-baş gedib,
Yubkalar da cirig-cirig,
Bu millätin qulpu qirig.

Kür bulanib Araz qalib,
Şillä däyib qapaz qalib,
Baki ähli bir az qalib,
Qalanin da işi firig,
Bu millätin qulpu qirig.

Baş yolumuz qüsurludur,
Ayaq yolu çuxurludur,
Üzümüz çoxsüxurludur,
Bellärimiz sinig-sinig,
Bu millätin qulpu qirig.

Ac qurdlarla dolub meşä,
Älä gälän, keçib dişä,
Meşäbäyi düşüb işä,
Vähşilärlä dolub qorug,
Bu millätin qulpu qirig.

Ävvälimiz Näbi, Häcär,
Axirimiz häftäbecär,
Däliläri Hämzä seçär,
Agillini zindana yig,
Bu millätin qulpu qirig.



Män Qarabagçün yaşadim

Elä zänn eylämä ki, täk yaşamaqçün yaşadim,
Män elin därdini gizlin daşimaqçün yaşadim.

Bir üräk dözmädi yüksäklärin alçaqligina,
Ona güc verdi xuda dözmäli dagçün yaşadim.

Gözümün qaräsi äşk ilä töküldü varaga,
Varagim qarälänincä bu varagçün yaşadim.

Gäläcäk näslä häqiqätläri çatdirmaq üçün,
Anadan olmayan onlarla uşaqçün yaşadim.

İblisin son gününä xeyli maragim var idi,
Allahin hökmü ilä böylä maraqçün yaşadim.

Män demişdim kişi yox, ölkä papaqnan doludur,
Bu mänä yer elädi, bax bu papaqçün yaşadim.

Bir Müqäddäs qonagin gälmäsin hiss etmädäyäm,
Älli dörd ildi dözüb sirli qonaqçün yaşadim.

Pünhanin bagin alib zorla keçirtdin adina,
Sän bu bagçün yaşadin män Qarabagçün yaşadim.



Kim hara deyir, ora gedirik

Bu Vätänimin günü belädir, uzunu qisa eni belädir,
Ata-babamin geni belädir gora desälär gora gedirik.
Qadani alim, qinama bizi,
Kim hara deyir ora gedirik.

Qazani mänäm, qazanan odu, harama girib qizinan odu,
Äli cibimä uzanan odu, älinä qoyub para gedirik.
Qadani alim qinama bizi,
Kim hara deyir ora gedirik.

Nä darixiriq nä yad edirik, darixana da irad edirik,
Bu bagimizi abad edirik, o baga üzü qara gedirik.
Qadani alim qinama bizi,
Kim hara deyir ora gedirik.

Därimi soyub, soyumu bölür, quyumu görüb quyumu bölür,
Dänizä girib suyumu bölür gözü göräsi tora gedirik.
Qadani alim qinama bizi,
Kim hara deyir ora gedirik.

Bu ora gedir, o bura gälir, bu ona deyir, o buna deyir,
Bu onu yeyir, o bunu yeyir biz isä "Böyükşora" gedirik.
Qadani alim qinama bizi,
Kim hara deyir ora gedirik.

Qula agayiq, pula äsirik pula görä qul cibi käsirik,
Nä gecikirik, nä täläsirik, täzä xanayiq zora gedirik.
Qadani alim qinama bizi,
Kim hara deyir ora gedirik.

Äräbä baxib göbäk açiriq, xäräbä baxib küräk açiriq,
Soyuna-soyuna çiçäk açiriq, boyana-boyana bara gedirik.
Qadani alim qinama bizi,
Kim hara deyir ora gedirik.

Ay saçi qisa Suray xanim, ay äri olan subay xanim,
Äri "dub" özü Dubay xanim, bu gediş ilä hara gedirik.
Qadani alim qinama bizi,
Kim hara deyir ora gedirik.

Elimiz itib, obamiz itib anamiz itib, atamiz itib,
Ärimiz ölüb, yaşimiz ötüb çöräyä görä kora gedirik.
Qadani alim qinama bizi,
Kim hara deyir ora gedirik.

İkiqat olan iki beli var, säsä qoyulan iki äli var,
Väkil olani iki dili var, deyir MM-ä xora gedirik.
Qadani alim qinama bizi,
Kim hara deyir, ora gedirik.

Kimä nä ki, bu çapa ilişir, kimä nä ki, bu YAP-a ilişir,
Özü dolayan sapa ilişir, sapa-sapa yol dara gedirik.
Qadani alim qinama bizi,
Kim hara deyir, ora gedirik.

Sensen menim ozum, ey gozum, canim,
Menem Senin ozun, AzerbayCANIM...

Ey Gül, dagitma sünbüli-zülfün üzarina,
Ahästä $anä täk ki, tökülsün känarina.

Bäsdir, bu qädär naz ilä öldürdün a$iqin,
Cani verilmiyib, Gözälim, ixtiyarina.

Biganä gördü läzzätini o gül üzünün,
Bir rähmin olmadi bu dili-dagidarina.

Ey Gülüm, biz öz Nigarimizin mübtälasiyiq,
Sän dä çali$ ki, könlünü ver öz yarina.

Dedim-Dedi

Dedim: "Ey Qönçä-dähan, könlümü qan eylämisän."
Dedi: "Bica yerä e$qimdä fäqan eylämisän."

Dedim: "Insaf elä, incitmä mäni, a$iqinäm."
Dedi: "Get, sirrimi dünyaya äyan eylämisän."

Dedim: "Aglatma mäni särv boyun $övqündä."
Dedi : "Göz ya$ìnì bihudä rävan eylämisän."

Dedim: "Axìr, Gözälim, bagü-baharìm Sänsän."
Dedi: "Sän ömrünü häsrätlä xäzan eylämisän."

Dedim: "Az çäkmämi$äm gözlärinin häsrätini."
Dedi : "Öz könlünü yersiz nigaran eylämisän."

Dedim: "E$qindä äsiräm, mänä bäs xeyri nädir?"
Dedi: "Ävväldä bu sevdadä ziyan eylämisän."

Dedim: "E$q atä$i neylär mänä, qorxan deyiläm."
Dedi: "Biçarä, yanarsan, nä güman eylämisän?"

Dedim: "Ey Gül, män äzäldän dä gözäl a$iqiyäm."
Dedi: "Sän ruhini e$q iylä cavan eylämisän."

Dedim: "Här gün säri-kuyindä dolanmaqdìr i$im."
Dedi: "Vahid, nä gözäl yerdä mäkan eylämisän?"


Qäm çäkmä, könül, mäclisä Canan yenä gäldi,
Bu qalibi-biruhä verän can yenä gäldi.

Bir neçä gün olmu$du günüm tirä qämindän,
$ad etdi mäni o Mähi-taban yenä gäldi.

Ahästä yìgìb ba$ìna öz lä$käri-zülfün,
Könlüm evini etmäyä viran yenä gäldi.

Sal boynuma, Canana dedim, hälqeyi-zülfün,
Güldü, dedi, divaneyi-dövran yenä gäldi.

Färhada deyin, eylämäsin daglarda färyad,
Bu mäclisä o xosrovi-xuban yenä gäldi.

Qan aglama, bülbül, däxi gülzar häväsindä,
Äyyami-xäzan keçdi, gülüstan yenä gäldi.

Gülüm, bilir aläm mäni, o zülfä äsiräm,
Sän çox demä Mäcnuni-biyaban yenä gäldi.

Dagìtma gül üzä zülfün ay üzrä halä kimi,
$ärabdan bir äsär var läbindä lalä kimi.

Qìzarmì$ arizinä tär äcäb gözäl yara$ìr,
Nä yax$ì görsänir, ey Gül, gül üzrä jalä kimi.

Läbin xäyali ilä ka$ mäclisi-meydä,
Gäzäydim äldän-älä bir qìzìl piyalä kimi.

Görändä qamätini göz ya$ìm olur cari,
Çämändä payinä-särvin axan $älalä kimi.

Hävayi-e$q ilä guya ki, bir $ikästä neyäm,
Sìzìldayìr bädänim här näfäsdä nalä kimi...

Јанында дилбәримин е'тибарым олмаса да,
Јенә гәмин чәкәрәм, гәмкүсарым олмаса да.
Бздәндә јары ҹаным галмајыб, ҝедиб јарым,
Кәрәк дөзәм гәми-һиҹранә, јарым олмаса да.
Күнүм ки, тар олуб ол зүлф әлиндән, еј тари,
Тәрәннүм ејлә, сәни тари, тарым олмаса да.
Үзун хәјали бәсимдир беһишти-кујиндә,
Јүз ил хәјалыма кәлмәз, баһарым олмаса да.
Л&бинлә мәст көзүн һәр дүшәндә хатиримә,
Шәрабә рәғбәтим артыр, хумарым олмаса да.
Мәним бир аһим илә шәм'ләр јаныр кеҹәләр,
Тохунма, шө'ләји-ешгәм, шәрарым олмаса да.
Кәмәнди-зүлфлә, Ваһид, өзүм шикар олдум,
Мәним о аһу бахышлы шикарым олмаса да.